Futbolchilikdan tovuq biznesiga

 

Agar siz “Liverpul” klubining o‘yinlarini uzoq vaqtdan beri kuzatib kelayotgan bo‘lsangiz, 10 yil oldin Jerom Sinkler Angliyadagi eng iqtidorli hujumchi deb atalgandi. 2011-yilda “Liverpul” uni “Vest Bromvich” akademiyasidan o‘z safiga qo‘shib olgandi. Hamda unga kelajakdagi eng yaxshi futbolchi deya taʼrif berilgandi. Uning faoliyati aʼlo darajada boshlandi. Birinchi asosiy jamoada debyut qilgan bo‘lsa, keyin esa yetakchilik maqomini qo‘lga kiritdi. Uning fonida hatto, Rahim Sterling ham qolib ketgandi. Aynan Sinkler “Liverpul”ning yetakchisi va Angliya terma jamoasining kelajakdagi yulduzi nomini oladi.

 

Hammasi xuddi ertakdagidek boshlandi. Avval u klubning yoshlari jamoasida bir qator gollar urdi va murabbiylar shtabida katta taassurot qoldirdi. Futbolchi kattalar jamoasida qoladi va tez-tez o‘yin o‘tkaza boshlaydi.

 

Keyin bir moʻjiza sodir bo‘ldi. 2012-yilning sentabr oyida klubga endigina kelib qo‘shilgan Brendan Rojers o‘sha paytda Liga kubogi uchinchi bosqichida zaxiradagi futbolchilardan foydalanadi. Raqib esa “Vest Bromvich” edi.  Sinkler esa 81-daqiqada maydonga tushadi va “Liverpul” tarixidagi eng yosh debyutantga aylanadi. O‘yinda ishtirok etgan paytda u 16 yoshu 6 kunlik edi. Sinkler Jek Robinsonning rekordini yangilaydi. U bir necha yil oldin 16 yoshu 250 kunligida maydonga tushgan. Qizig‘i shundaki, bu futbolchilarning butun faoliyati natija bermadi. Robinson hozir “Sheffild”da o‘ynaydi.

 

Debyut o‘yinidan keyin yosh futbolchiga ishonch bildirila boshlandi. U bir nechta yoqimsiz jarohatlar olgan bo‘lsada, o‘zini yaxshi ko‘rsatdi. 2014/2015 yilgi mavsumda Sinkler UEFA yoshlar ligasida 6 ta gol urdi. Bir necha marta u “Liverpul”ning muhim bo‘lmagan o‘yinlarida asosiy tarkibga kiritilgan. 

 

Lekin shundan so‘ng futbolchining o‘yinida pasayish boshlandi. 2015 yilning mart oyida u “Uigan”ga ijaraga berildi. Bu Sinklerga o‘zini ko‘rsatish uchun yangi bir imkoniyat edi. Ammo olti oy ichida bitta o‘yinda maydonga tushadi. Yana jarohatlar va yuqori saviyada o‘ynashga mutlaqo tayyor emaslik futbolchiga taʼsir o‘tkazadi.

 

U yana “Liverpul”ga qaytadi va bu safar chempionatda yana bir o‘yin o‘tkazadi. “Chelsi”ga qarshi 20 daqiqa o‘ynaydi, ehtimol, bu uning faoliyatidagi asosiy voqea edi.

 

2016-yilning qishida turli klublar futbolchi uchun bir necha million taklif qilishdi, jumladan, “Bornmut” va “Uotford”. “Liverpul” ularning barchasini rad etdi. Ammo olti oy o‘tgach, Sinkler jamoadan “Uotford”ga tekinga o‘tadi. Ammo besh yil ichida u jamoa safida bor yo‘g‘i 9 ta o‘yinda maydonga tushadi.

 

Shundan so‘ng Jeromning professional faoliyati yakunlanadi. Shuningdek, u “Oksford Yunayted”da yana o‘zini sinab ko‘rmoqchi bo‘ldi, biroq bu natija bermadi.

 

Oxir-oqibat Sinkler o‘zini ham, boshqalarni ham qiynamaslikka qaror qildi. 2022-yil iyul oyida u tovuq biznesini boshlaganini eʼlon qildi. Ayni damda sobiq futbolchi bundan yaxshi foyda ko‘rmoqda.