Yaponiyalik futbolchi APLdagi eng yaxshi transfer
Ouenning fikri shunaqa.
“Manchester Yunayted”ning sobiq hujumchisi Maykl Ouen yaponiyalik yarim himoyachi Kaoru Mitomaning “Brayton”ga o‘tganini Premyer-liganing mavsumdagi eng yaxshi transferi deb taʼrifladi.
“Mitoma Lester Siti darvozasiga yana bir ajoyib gol urdi. Holand mavsumning eng yaxshi transferi bo‘lishi kerak edi, ammo men aytmoqchimanki, Mitoma pul qiymatiga asoslangan eng yaxshi xarid sifatida tan olinishi kerak”, — deb yozdi Ouen o‘zining ijtimoiy tarmoqdagi sahifasida.
Mitoma Premyer-ligadagi debyutini 2022 yilning avgustida “Brayton” tarkibida o‘tkazdi. Umuman olganda, yaponiyalik futbolchi klub safida barcha musobaqalarda 18 ta o‘yinda maydonga tushib, beshta gol urdi va ikkita golli uzatmani amalga oshirdi. Hujumchi Erling Holand “Manchester Siti” safida Premyer-liganing 18 o‘yinida qatnashib, 22 ta gol urdi va 3 ta golli uzatmani amalga oshirdi.
