“Chelsi” transfer bozorida “ochko‘z”ga aylandi
Klub yana bir futbolchini sotib olmoqda.
“Lion” himoyachisi Malo Gusto faoliyatini APLda davom ettirishi mumkin. “Chelsi” Fransiya yoshlar terma jamoasining 19 yoshli futbolchisining xizmatlariga qiziqish bildirmoqda. Bu haqda “LʼEquipe” nashri xabar bermoqda.
Manbaning xabariga ko‘ra, “Lion” futbolchini mavsum oxirigacha olib qolish niyatida. “Chelsi” Gustoni Ris Jeymsning o‘rniga mukammal o‘rinbosar sifatida ko‘rmoqda.
Malo Gusto 2016 yildan beri “Lion” tarkibida o‘ynab kelmoqda. Joriy mavsumda himoyachi Fransiya chempionatining 15 o‘yinida qatnashdi. Tomonlar o‘rtasidagi kelishuv 2024 yilning yozida yakuniga yetadi.
Qayd etish joizki, yangi rahbariyat kelganidan keyin “Chelsi” transferlar uchun 450 million yevrodan ortiq mablag‘ sarfladi.
