Yaponiya bosh vaziri Kim Chen In bilan uchrashishga tayyor
Tokio Pxenyanning harakatlaridan xavotirda
Yaponiya bosh vaziri Fumio Kisida Shimoliy Koreyaning raketa sinovlari ko‘payganidan xavotirda. Biroq, u KXDR yetakchisi Kim Chen In bilan oldindan hech qanday shartlarsiz shaxsan uchrashishga tayyor.
Bu haqda bosh vazir parlament quyi palatasining yalpi majlisida asosiy nutq so‘zlab, tegishli bayonot bilan chiqdi.
"Shimoliy Koreya tomonidan misli ko‘rilmagan ballistik raketa uchirilishining chastotasini mutlaqo qabul qilib bo‘lmaydi. Biz uchun barcha masalalardan eng muhimi odam o‘g‘irlashdir, bu jiddiy gumanitar muammo. Biz barcha o‘g‘irlanganlarning tezroq o‘z joylariga qaytishini taʼminlash uchun barcha imkoniyatlardan foydalanamiz. Men o‘zim rais Kim Chen In bilan hech qanday shartlarsiz to‘g‘ridan-to‘g‘ri uchrashishga ahd qildim”, — dedi u.
KXDR razvedka xizmatlari tomonidan yaponlarning o‘g‘irlab ketilishi mavzusi rasmiy diplomatik aloqalarga ega bo‘lmagan ikki davlat munosabatlardagi eng og‘riqli mavzulardan biri hisoblanadi. 2002 yilda Pxenyan ilk bor 13 nafar yapon fuqarosi o‘g‘irlab ketilganini tan oldi va ulardan besh nafariga o‘z vataniga qaytishga ruxsat berdi. Qolganlari o‘lgan deb eʼlon qilindi, ularning yaqinlariga qoldiqlari jo‘natildi, ammo ularning haqiqiyligini tasdiqlab bo‘lmadi. 2014 yil may oyida Yaponiya va KXDR hukumatlari yapon fuqarolarining o‘g‘irlanishi bo‘yicha yangi tergov o‘tkazishga kelishib oldilar, biroq keyinchalik Pxenyan tashabbusi bilan bunga aloqador komissiya tarqatib yuborildi.
Shimoliy Koreya 2022- yilda rekord darajadagi 70 dan ortiq raketa uchirdi.
