Fernandu Santush Polsha terma jamoasi bosh murabbiyi etib tayinlandi
U uchinchi xorijlik murabbiyga aylandi.
Portugaliya terma jamoasining sobiq bosh murabbiyi Fernandu Santush Polsha terma jamoasini boshqarishga kirishdi. “Associated Press” nashrining xabariga ko‘ra, u polshaliklar tarixida Leo Beenxakker va Paulo Souzadan keyin uchinchi xorijlik murabbiyga aylandi.
Polsha futbol ittifoqi jamoasini Qatarda bo‘lib o‘tgan jahon chempionatining 1/8 final bosqichiga olib chiqqan sobiq murabbiy Cheslav Mixnevich bilan shartnomani uzaytirmadi, o‘shanda uning jamoasi fransuzlarga 1:3 hisobida imkoniyatni boy bergandi.
Jahon chempionatidan keyin Santush Portugaliya terma jamoasi bosh murabbiyligidan ozod etildi. Uning o‘rnini belgiyalik sobiq murabbiy Roberto Martines egalladi.
