Mane “PSJ”ga qarshi o‘ynamaydi
U jarohatidan to‘liq xalos bo‘lgani yo‘q.
“Bavariya” hujumchisi Sadio Mane Chempionlar ligasi pley-off bosqichining birinchi o‘yinini o‘tkazib yuboradi.
Germaniya klubi futbolchisi katta ehtimol bilan 14 fevral kuni bo‘lib o‘tadigan “PSJ”ga qarshi birinchi o‘yinda ishtirok eta olmaydi. U jahon chempionatidan oldin olgan jarohatidan tiklanishda davom etmoqda.
“Mundo Deportivo” xabariga ko‘ra, Myunxen klubi senegallik futbolchining tiklanish jarayonini tezlashtirishga harakat qilmoqda, biroq uning Chempionlar ligasi 1/8 finalining birinchi o‘yinida ishtirok etishi deyarli mumkin emas.
“Bavariya” va “PSJ” o‘rtasidagi javob uchrashuvi 8 mart kuni bo‘lib o‘tadi.
Bundesliganing joriy mavsumida Mane 14 ta o‘yinda maydonga tushib, 6 ta gol urdi va 3 ta golli uzatmani amalga oshirdi.
