“Everton” sotilmaydi
Klub xo‘jayini shunday dedi.
“Everton” xo‘jayini Farhod Moshiri ingliz klubini sotish qaroriga izoh berdi.
“Klub sotilmaydi. Lekin men klubga yordam bera oladigan yetakchi investorlar bilan gaplashdim. Endi asosiy vazifa eng yaxshi investorlarni jalb qilishdir. Biz shartnomani yopishga yaqinmiz. Bu klubni sotish emas. Bu homiylik va tijoriy rivojlanish sohasida ko‘proq tajriba orttirishga yordam beradi, chunki ko‘plab ixtisoslashgan sport sarmoyadorlari bunday bilimlarga ega”, — deya “Goal.com” uning so‘zlaridan iqtibos keltirdi.
“Everton” omadsiz o‘yinlar seriyasi sabab turnir jadvalida oxirgi o‘rinlarga tushib ketdi. Bu esa muxlislar eʼtiroziga sabab bo‘ldi. Klub Angliya premyer-ligasi turnir jadvalida 19-o‘rinda bormoqda. Jamoa 2022/2023 yilgi mavsumda 20 ta o‘yindan 15 ochko jamg‘argan.
