Navbat qiruvchi samolyotlargami?
G‘arb Ukrainaga aviatsiya texnikalarini jo‘natishi mumkin.
G‘arb davlatlari Ukrainaga qiruvchi samolyotlar yetkazib berish bo‘yicha ichki muhokamalar o‘tkazmoqda. Shu bilan birga Politico nashrining yozishicha, ular bu harakatning eskalatsiyani kuchaytirishidan xavotirda.
“Qiruvchi samolyotlar navbatdagi mantiqiy qadam bo‘lardi”, – degan Shimoliy yevropalik diplomatlardan biri.
Vashington hozirgi bosqichda samolyotlar yetkazib berish haqida gap ketmayotganini taʼkidlagan. Asosan, Ukraina va Boltiq davlatlari bu qadamni tashlashga chaqirmoqda.
Yana bir diplomatik manbalardan biri qiruvchi samolyotlar yetkazib berish haqida tasavvur ham qilib bo‘lmasligini aytgan.
Eslatib o‘tamiz, kecha AQSH va Germaniya Ukrainaga tanklar yetkazib berishga roziligini maʼlum qilgan. Tez orada mojaro zonasida ilk G‘arb tanklari paydo bo‘lishi kutilmoqda.
Kiyev anchadan buyon NATO davlatlaridan qiruvchi samolyotlarni so‘rab keladi. Shu vaqtga qadar bu so‘rovlarga ijobiy javob berilmagan.
