“PSJ” murabbiy yana hujumchi olmoqchi
Uning qarori qatʼiy.
“PSJ” bosh murabbiyi Kristof Galter fransuz grandi hujum chizig‘iga yangi futbolchi sotib olishi zarurligi haqida gapirdi.
“Agar bir o‘yinchini yo‘qotsak, uning o‘rniga o‘rinbosar olishimizni aytgandim. Biz hujumkor o‘yinchini yo‘qotdik. Pablo Sarabiya “Vulverxempton”ga o‘tdi. Buning o‘rnini yopish uchun biz hujum chizig‘iga o‘yinchi sotib olsak yaxshi bo‘lardi”, — dedi Galter.
Mish-mishlarga ko‘ra, “PSJ” “Lion” hujumchisi Rayan Sherkaning transferi bo‘yicha muzokaralar olib borgan, biroq rad javobi berilgan. Avvalroq parijliklarning futbol bo‘yicha maslahatchisi Luis Kampos Sankt-Peterburgning “Zenit” klubi rahbariyati bilan braziliyalik yarim himoyachi Malkomning transferi bo‘yicha muzokara olib borishi malum bo‘lgandi.
