“Valensiya” Saulni ijaraga olmoqchi
“Atletiko” hozircha bunga rozi emas.
“Valensiya” “Atletiko” yarim himoyachisi Saul Nigesni 18 oyga ijaraga olmoqchi. Bu haqda “Relevo” nashri xabar bermoqda.
Manbaning xabariga ko‘ra, “Valensiya” qishki transferlar vaqtida “Atletiko” futbolchisini ijaraga olish taklifi bilan chiqqan. “Ko‘rshapalaklar” ispaniyalik yarim himoyachini joriy mavsum oxirigacha ijaraga olmoqchi edi, biroq bu taklif rad etildi. “Valensiya” endi Saulni 18 oyga ijaraga olishni va uning maoshining bir qismini, to‘lashga rozi bo‘lishni taklif qilmoqda. Shuningdek, ijara shartnomasiga futbolchining sotib olinishi haqidagi band ham kiritilishi mumkin. Saulni sotib olish “Valensiya” uchun asosiy vazifa.
28 yoshli Saul joriy mavsumda 21 ta o‘yinda maydonga tushib, 1 ta golli uzatmani amalga oshirdi.
