“Bavariya” Kanseluni sotib olmoqchi
Klub futbolchini anchadan beri kuzatib kelmoqda.
Myunxenning “Bavariya” klubi “Manchester Siti” himoyachisi Joau Kanseluni sotib olmoqchi. Bu haqda “The Athletic” jurnalisti Devid Orshteyn xabar berdi.
Manbaga ko‘ra, “Bavariya” portugaliyalik himoyachini ijaraga olmoqchi, ijara shartnomasida Kanseluni qayta sotib olish imkoniyatini belgilab qo‘ygan. Qayd etilishicha, Myunxen klubi futbolchini uzoq vaqtdan buyon kuzatib kelmoqda.
28 yoshli Kanselu 2019 yildan buyon “Manchester Siti” safida to‘p suradi. Portugaliyalik futbolchi ingliz klubi safida jami 154 ta o‘yin o‘tkazib, 9 ta gol urgan va 22 ta golli uzatmani amalga oshirgan. Avvalroq Kanselu “Benfika”, “Inter”, “Valensiya” va “Yuventus” klublarida to‘p surgan. Transfermarkt himoyachini 70 mln yevroga baholamoqda.
