Ziyesh Parijga uchib ketdi
U “PSJ” bilan shartnoma imzolashi mumkin.
“Chelsi” yarim himoyachisi Hakim Ziyesh transfer masalasini hal qilish uchun Parijga uchib ketdi. Bu haqda “Le Parisiyen” nashri xabar berdi.
Fransuz klubi marokashlik futbolchini ushbu transfer oynasida jamoani tark etgan Pablo Sarabiya o‘rniga o‘rinbosar sifatida ko‘rmoqda. “PSJ” futbol maslahatchisi Luis Kampos “ko‘klar” bilan ijara shartnomasi bo‘yicha muzokara olib bormoqda. Tomonlar 1 fevral yarim tunda transfer oynasi yopilguniga qadar kelishuvga erishishga umid qilishmoqda.
Shuningdek, Ziyeshning Marokash terma jamoasidagi sherigi Ashraf Hakimi “Chelsi” futbolchisining fransuz klubiga o‘tganini tasdiqlaganini maʼlum qildi.
Eslatib o‘tamiz, Ziyesh londonliklar safida 2020 yildan buyon o‘ynab kelmoqda. Joriy mavsumda marokashlik futbolchi Angliya premyer-ligasining 10 ta uchrashuvida qatnashib, bitta golli uzatmani amalga oshirgan.
