“Yuventus”dan yana 20 ochko olib qo‘yilishi mumkin
Buni Italiya futbol federatsiyasi istamoqda.
Turinning “Yuventus” klubi moliyaviy firibgarlik uchun yana bir jazoga tortilishi mumkin. Bu haqda “Football Italia” nashri xabar berdi.
Manbaga ko‘ra, Italiya futbol federatsiyasi “Yuventus”dan futbolchilarning maoshlari bilan bog‘liq firibgarlik tufayli kamida 20 ochko olib qo‘yilishini istamoqda.
“Yuventus” futbolchilari pandemiya davrida klubga yordam berish uchun to‘rt oylik maoshlaridan voz kechishga rozi bo‘lganini taʼkidladi.
Biroq, Matteys de Ligt va Mattia De Siglio kabi futbolchilar bir oylik maoshlaridan mahrum bo‘lishgan va qolgan oylik maoshlarini mukofotlar hamda homiylik shartnomalari kabi turli shakllarda olishgan. Futbolchilarning maoshlari yashirincha to‘langan.
Avvalroq “Yuventus”ga 15 ochko jarima solingandi. Shundan keyin klub Italiya chempionatida uchinchi o‘rindan o‘ninchi o‘ringa tushib ketgandi.
