“Manchester Yunayted” Fatiga qiziqmoqda
“Barsa” esa bu transferni muhokama qilishni xohlamayapti.
“Manchester Yunayted” “Barselona” vingeri Ansu Fati bilan shartnoma imzolamoqchi. Bu haqda “Sport” nashri xabar berdi.
Shuningdek, 20 yoshli futbolchining ehtimoliy transferi “Manchester Yunayted” uchun ustuvor vazifa sifatida qaralayotgani qayd etilgan.
“Barselona” hozircha transferni muhokama qilishga tayyor emas, ammo yozgi transfer oynasigacha vaziyat o‘zgarishi mumkin.
Qolaversa, Ansu Fati asosiy tarkibda yetarlicha o‘yin o‘tkazmayapti, bu esa futbolchiga va uning yaqinlariga yoqmayotgani xabar qilingan.
20 yoshli futbolchi joriy mavsumda La Liganing 19 ta o‘yinida 3 ta gol urdi.
Yevropa ligasining 1/16 bosqichida “Barselona” va “Manchester Yunayted” 16 fevral kuni o‘zaro to‘qnash kelishadi.
