Messi “PSJ” rahbariyati bilan uchrashuvni keyinga qoldirdi
Futbolchi shartnomani uzaytirish borasida bir qarorga kelmagan.
Hujumchi Lionel Messi “PSJ” bilan shartnomasini uzaytirishga shoshilmayapti. Bu haqda “Culture PSJ” nashri xabar berdi.
Nashr jurnalisti Gaston Edulaning xabar berishicha, argentinalik futbolchi joriy mavsum yakunida “PSJ”da qolish-qolmasligiga shubha qilgan. Shu munosabat bilan hujumchi “PSJ” rahbariyati bilan yaqinda bo‘lib o‘tishi kerak bo‘lgan uchrashuvni keyinga qoldirdi. Qayd etilishicha, hozir Messi uzoq muddatli faoliyat haqida o‘ylamoqda. “PSJ” bilan shartnomasini uzaytirishdan oldin u faoliyatining so‘nggi yillaridan nimani xohlashini o‘zi uchun aniqlab olmoqchi.
35 yoshli futbolchi joriy mavsumda “PSJ” safida barcha turnirlar doirasida 23 o‘yinda 14 ta gol urdi va 14 ta golli uzatmani amalga oshirdi. “PSJ” 51 ochko bilan Liga 1 turnir jadvalida peshqadamlik qilmoqda.
