“Vinisius “Real Madrid”ning asosiy futbolchisi”
Guti hujumchi haqida fikr bildirdi.
“Real Madrid”ning sobiq futbolchisi Gutining aytishicha, ayni damda jamoa yetakchisi braziliyalik hujumchi Vinisius Junior.
“Vinisius Junior mavsum boshidanoq o‘yinlar natijasini hal qildi. U boshqa barcha futbolchilar orasida eng yaxshi formada. Assist, gol uradi, hammasini qiladi. Uning kelajagi buyuk”, — dedi Guti.
Ispaniya jamoasi 17-turning “Valensiya” bilan qoldirilgan bahsi braziliyalik futbolchi uchun Madriddagi barcha musobaqalardagi 200-o‘yini bo‘ldi. Bu vaqt ichida u jamoa safida 49 ta gol urdi va 37 ta golli uzatmani amalga oshirdi.
Vinisius 2018 yildan beri “Real”da o‘ynab kelmoqda. Bungacha u “Flamengo”da to‘p surgan.
Madridliklar La Ligada peshqadam “Barselona”dan 5 ochko farq bilan ortda qolmoqda.
