“Benfika” Turkiyaga gumanitar yordam yuboradi
Ayni vaqtda mamlakatda 9 ming kishi halok bo‘lgani aytilmoqda.
Portugaliyaning “Benfika” klubi Turkiyadagi zilzila qurbonlariga gumanitar yordam jo‘natadi. Bu haqda “O Jogo” nashri xabar berdi. Manbaning aytishicha, Turkiyaning Lissabondagi elchixonasining yordam so‘rovidan so‘ng klub zilzilalardan eng ko‘p jabr ko‘rgan hududlarga 1000 ta ko‘rpa-to‘shak jo‘natadi.
Eslatib o‘tamiz, bir necha kun avval Turkiyada bir qator jiddiy zilzilalar sodir bo‘lgandi. Eng kuchli zarbalar 7,8 magnitudaga ega edi. Tabiiy ofatlar natijasida Turkiya bo‘ylab ko‘plab binolar qulab tushdi. Hozirgi maʼlumotlarga ko‘ra, qurbonlar soni 9 ming kishiga yaqinlashmoqda. Yana 50 mingga yaqin odam jarohat oldi. Avvalroq FIFA Turkiyadagi transfer oynasi zilzila tufayli 18 fevralga qadar uzaytirilishini malum qilgandi.
