Bu futbolchilar “Bavariya”ga qarshi o‘ynaydi
Parijliklar Chempionlar ligasiga tayyorgarlikni boshlab yubordi.
“PSJ” futbolchilari Kilian Mbappe, Lionel Messi va Marko Verratti “Bavariya”ga qarshi o‘yinga tayyor bo‘lishadi.
“Le Parisen” xabariga ko‘ra, har uchala futbolchi ham seshanba kuni Chempionlar ligasi pley-off bosqichining birinchi o‘yinida ishtirok etadi.
1-fevral kuni “Monpele”ga qarshi o‘yinda jarohat olgan Kilian Mbappe yakshanba kungi mashg‘ulotlarning bir qismini umumiy guruhda o‘tkazdi. Chap sonida noqulaylik sezayotgan Marko Verratti ham umumiy guruhda mashg‘ulotlarga kirishdi. Lionel Messi hamon individual tarzda shug‘ullanmoqda, biroq dushanba kuni argentinalik futbolchi ham jamoa bilan mashg‘ulotlarga qaytishi xabar qilingan.
Shu tariqa, “Bavariya”ga qarshi birinchi o‘yinni faqat Renata Sanches va Nordi Muchiyele o‘tkazib yuboradi.
