Kanada fuqarolarini Belarusga tashriflardan tiyilishga chaqirdi
Kecha Fransiya TIV ham shunday bayonot bilan chiqqandi. Shuningdek, AQSH o‘z fuqarolarini tezroq Rossiyani tark etishga chaqirgan edi.
Kanada o‘z fuqarolarini Belarusga bormaslikka chaqirdi. Bunga sabab qilib Rossiya-Ukraina mojarosi va “mahalliy qonunlarning o‘zboshimchalik bilan qo‘llanishi” ko‘rsatilgan.
Dushanba kuni Fransiya TIV ham shunday bayonot bilan chiqqandi. Kanada vazirlar mahkamasining qayd etishicha, mamlakatning Polshadagi elchixonasi zarur konsullik yordamini ko‘rsata olmaydi.
“Siz Kanada hukumati mamlakatni tark etishga yordam berishidan umid qilmasligingiz kerak”, – deyiladi hukumat bayonotida.
Shu bilan birga Belarusda qolishga qaror qilganlarga yangiliklarni kuzatib borish, yetarli zaxirada naqd pul saqlab qolish, birinchi zarurat buyumlari va dori-darmonlarni olish, shuningdek, zarur paytda boshpana topishga tayyor turish tavsiya qilingan.
Kecha AQSHning Moskvadagi elchixonasi Rossiyada qolayotgan amerikaliklarni mamlakatni tark etishga chaqirgandi.
