Toshkent havosining ifloslanishi vazirlik tomonidan tasdiqlanmadi
Tabiat resurslari vazirligi boshqarma boshlig‘i maʼlumot berdi.
Avvalroq ijtimoiy tarmoqlarda Toshkentda havo sifatining yomonligi aholi sog‘ligiga bir yilda 503 ta sigaret chekilgandek taʼsir qiladi, mazmunidagi House Fresh xalqaro jamoatchilik loyihasining havo sifati bo‘yicha tadqiqoti eʼlon qilingan edi.
Unga ko‘ra, poytaxt shahar havo sifati eng yomon bo‘lgan dunyodagi top-20 ta shaharlardan biri hisoblanib, ro‘yxatda 16-o‘rindan joy olgani aytilgan.
Tabiat resurslari vazirligi boshqarma boshlig‘i Aziz Kalimbetov Toshkentda havoning ifloslanishi, unga taʼsir qiluvchi omillar va ularni bartaraf etish bo‘yicha ko‘rilayotgan choralar haqida aytib o'tdi. Uning taʼkidlashicha, tadqiqotda elon qilingan maʼlumotlar yuzasidan vazirlik hamda mutasaddi tashkilotlar tomonidan o‘rganish olib borilmoqda. Boshqarma boshlig‘i aholidan sarosimaga tushmaslikni so‘ragan.
"Havoning ifloslanishiga nafaqat sanoat va transport, balki odamlarning tamaki chekishi ham sabab bo‘ladi", — deydi Kalimbetov.
Vaziyat Tabiat resurslari vazirligi hamda mutasaddi tashkilotlar tomonidan nazoratga olingani aytilmoqda.
