Qashqadaryoda ikki kun ketma-ket qor ko‘chdi — video
Qor ko‘chkisi Shahrisabz tumanidagi yo‘lning bir qismini yopib qo‘ygan.
Favqulodda vaziyatlar vazirligining xabariga ko‘ra, Qashqadaryo viloyati Shahrisabz tumani tog‘li Ko‘l qishlog‘iga eltuvchi avtomobil yo‘lida joriy yil 16 fevral kunlari soat taxminan 11:00 larda taxminan 1200 m3 hajmda qor ko‘chkisi sodir bo‘lgan.
Voqea joyiga zudlik bilan tuman Hokimligi va tuman Favqulodda vaziyatlar bo‘limi xodimlari chiqib, ushbu qor massalarini zarur texnikalar yordamida to‘liq bartaraf etilgan va avtomobillar qatnovi yo‘lga qo‘yilgan.
Ushbu manzilda bugun, 17 fevral kuni soat taxminan 10:30 lar yana bir bor qor ko‘chishi kuzatilgan. Natijada, yo‘lning taxminan 15 metr qismini qor massasi yopib qo‘ygan. Hozirda ushbu ko‘chki oqibatlari mexanizatsiya kuchlari yordamida bartaraf etilmoqda.
Ushbu ikkita holat oqibatida hech bir bino inshootlarga zarar yetmagan, tan jarohati olgan va halok bo‘lganlar yo‘q.
