“Real Madrid” faxriy prezidenti Amansio Amaro vafot etdi
U 83 yoshda edi.
Madridning “Real” klubi afsonasi Amansio Amaro 83 yoshida vafot etdi. Bu haqda “Qirollik” klubi rasmiy sayti xabar berdi.
“Amansio barcha “Real Madrid” va futbol muxlislari tomonidan eng zo‘r futbolchilardan biri sifatida esda qoladi”, — deyiladi klub bayonotida.
Amansio Amaro 1962-yildan 1976-yilgacha “Real”da o‘ynagan. Klub bilan u to‘qqiz marta Ispaniya chempioni, uch bor Ispaniya kubogi va UEFA Chempionlar kubogini (1966-yilda) qo‘lga kiritdi. Klubdagi 14 mavsumda u 471 o‘yin o‘tkazib, 155 gol urgan.
Amaro Ispaniya terma jamoasi safida 42 ta o‘yin o‘tkazib, 11 ta gol urib, 1964-yilda Yevropa chempioni bo‘lgan.
2022-yil oktabr oyida Amansio Amaro Pako Xento o‘rniga “Real Madrid” prezidenti lavozimini egallagan.
