Dibala ham jazodan chetda qolmaydi
U bir oyga diskvalifikatsiya qilinishi mumkin.
“Roma” hujumchisi Paulo Dibala “Yuventus” bilan 3 million yevrodan ortiq maosh bo‘yicha yashirin kelishuvga erishgani uchun bir oyga diskvalifikatsiya qilinishi mumkin. Bu haqda “La Repubblica” nashri xabar berdi. Bugun politsiya ushbu ish bo‘yicha futbolchini so‘roqqa tutdi.
Qayd etilishicha, Italiya prokuraturasi “Yuventus” tomonidan 2020 yilda koronavirus pandemiyasi davrida futbolchilarning maoshini kamaytirish uchun moliyaviy firibgarlik sodir etgani bo‘yicha tergovni davom ettirmoqda. Tergov maʼlumotlariga ko‘ra, Turin klubi dastlab maʼlum qilganidek, Dibala o‘sha davrda maoshdan bosh tortmagan, ammo to‘lovni kechiktirishga rozi bo‘lgan va keyinchalik 1,9 million yevro miqdoridagi ikkita to‘lov shaklida kerakli pulni olgan.
Italiyaning Sport adolati kodeksiga ko‘ra, klublarga bu tarzda tovon puli to‘lash taqiqlanadi.
