“Al-Nasr” transfer borasida Ramos bilan bog‘landi
Himoyachining “PSJ” bilan shartnomasi yozda tugaydi.
“Al-Nasr” Krishtianu Ronaldu transferidan keyin yana bir yulduz bilan shartnoma imzolamoqchi.
Saudiya Arabistoni klubi rahbariyati “PSJ” himoyachisining atrofidagilar bilan bog‘lanib, uni sotib olish istagi borligini maʼlum qildi. Bu haqda “Marca” nashri xabar berdi.
“Real Madrid” va Ispaniya terma jamoasining sobiq sardori “PSJ”da o‘zini qulay his qilmoqda, biroq uning Parij klubi bilan shartnomasi yozda tugaydi.
Oldinroq “Al-Nasr” “Real” yarim himoyachisi Luka Modrichni o‘z safiga qo‘shib olmoqchi ekanligi, biroq rad javobi berilgani haqida xabar berilgandi.
