ISW: Rossiya G‘arbni qo‘rqitish maqsadida “yadro shantaji”ni davom ettirmoqda
Tahlilchilar RFning Strategik hujumkor qurollar bo‘yicha shartnoma
Rossiya Strategik hujumkor qurollar bo‘yicha shartnoma muzokaralariga qaytishi ehtimoli kam. Amerikaning urushni o‘rganish instituti (ISW) ekspertlari xulosasiga ko‘ra, Moskva Ukrainaga G‘arb davlatlari harbiy yordamini sekinlashtirish uchun yadro shantajidan foydalanadi.
Tahlilchilar Entoni Blinken av Sergey Lavrovning Dehlidagi G20 sammiti doirasida uchrashuviga eʼtibor qaratishgan. Unda AQSH davlat kotibi rossiyalik hamkasbini Strategik hujumkor qurollar bo‘yicha shartnomani to‘xtatish bo‘yicha qarorni bekor qilishga chaqirgan. Shuningdek, Ukraina urushidan qatʼiy nazar AQSH va Rossiya bilan strategik yadro qurollarini nazorat qilish masalasida Vashingtonning hamkorlikka tayyorligini bildirgan.
Bundan tashqari, Amerika bosh diplomati Rossiya tomonini urushni to‘xtatishga, muzokaralarni boshlashga va qo‘lga olingan amerikalik Pol Uilanni ozod qilishga chaqirgan.
Shu bilan birga ekspertlar RF rasmiylarining shartnoma bo‘yicha keng qamrovli muzokara boshlashiga ishonmayapti.
Ekspertlarning fikricha, Moskvaning yadro qurolidan foydalanish ehtimoli hamon past. Ammo G‘arbni qo‘rqitish maqsadida yadro eskalatsiyasi tahdidlarini davom ettirmoqda.
