“Tottenhem” Voytsex Shesniga qiziqish bildirmoqda
Futbolchi esa muzokaralardan bosh tortgan.
“Tottenhem” sport direktori Fabio Paratichi “Yuventus” darvozaboni Voytsex Shesnini sotib olmoqchi. Bu haqda “La Gazzetta dello Sport” nashri xabar berdi.
Shu bilan birga, darvozabonning o‘zi ham “Yuventus”ni tark etish niyatida emasligi xabar qilingan. U Turin klubi bosh murabbiyi Massimiliano Allegri uchun ham muhim futbolchi hisoblanadi.
Qayd etilishicha, darvozabonning o‘zi ayni damda London klubi bilan muzokaralarni muhokama qilishdan qatʼiyan bosh tortgan.
Eslatib o‘tamiz, Shesni “Yuventus”da 2017 yildan buyon o‘ynab kelmoqda. Futbolchining klub bilan shartnomasi 2024 yilgacha mo‘ljallangan. Futbolchining transfer narxi 13 million yevroga baholangan. Joriy mavsumda polshalik darvozabon 24 ta o‘yinda qatnashib, 26 ta gol o‘tkazib yuborgan va 12 ta o‘yinda darvozasi dahlsizligini saqlab qolgan.
