“Tottenhem” futbolchilari sobiq murabbiyni qaytarishni iltimos qilishdi
Konte esa jamoadan ketadi.
“Tottenhem” futbolchilari Maurisio Pochettinoning murabbiylik lavozimiga qaytishini intiqlik bilan kutishmoqda.
“Sky Sports” xabariga ko‘ra, klubda Antonio Konte bilan shartnoma uzaytirilmasligiga ishonch ortib bormoqda. London jamoasi faxriylari argentinalik mutaxassis qo‘l ostidagi o‘yinni sog‘inib, futbolchilarning rivojlanishiga yetarlicha eʼtibor qaratilmayapti, deb hisoblaydi.
Baʼzi futbolchilar va klub xodimlari Pochettinodan imkoniyat tug‘ilganda qaytishini iltimos qilishdi. Shu bilan birga, Maurisioga nisbatan iliq munosabatda bo‘lishiga qaramay, rahbariyat uning 2019-yilda nima uchun ishdan bo‘shatilganini unutmaydi.
50 yoshli Pochettino 2022 yilning yozida “PSJ”dan istefoga chiqarilgan edi. O‘shandan beri argentinalik mashhur mutaxassis ishsiz edi.
