Pogbaning jarohati turinliklarni g‘azablantirmoqda
Futbolchi uch haftaga safdan chiqqan.
“Yuventus” Pol Pogbaning tez-tez jarohatlanishidan norozi. Eslatib o‘tamiz, turinliklar yarim himoyachisi mashg‘ulotlarda mushaklaridan jarohat olgan edi. U uch haftaga safdan chiqqani xabar qilingan.
“La Gazzetta dello Sport” nashrining xabariga ko‘ra, fransiyalik futbolchi bir oydan keyin maydonga qaytishi mumkin.
Yarim himoyachining jarohati bilan bog‘liq vaziyat klub rahbariyatini xavotirga solmoqda va g‘azablantirmoqda. Agar mavsum oxirigacha bu o‘zgarmasa yozda “Yuve” vakillari Pogba bilan hamkorlikni davom ettirish istiqbollarini muhokama qilishlari mumkin.
