“Lukaku bu avvalgi Lukaku emas”
Marotta yozda uning “Chelsi”ga qaytishini tasdiqladi.
Romelu Lukaku mavsum oxirida “Chelsi”ga qaytadi. “Inter” ijara muddatini uzaytirmaydi. Bu haqda Italiya klubi bosh direktori Beppe Marotta aytib o‘tdi.
“Ijara bir mavsumga mo‘ljallangan va 30 iyunda tugaydi. O‘yinlaridan qatʼiy nazar, Lukaku mavsum yakuniga qadar “Chelsi”ga qaytadi. Shuni taʼkidlashim kerakki, bu anomal mavsum. Nafaqat bizda, balki boshqa barcha jamoalarda ham muammolar bor. Hammasi jahon chempionati tufayli. Lukaku kabi, Brozovich ham avvalgidek o‘ynamayapti. Ikkalasi ham jarohat olgan va to‘liq tuzalmagan. Lukaku formasini yo‘qotgan. Shu nuqtai nazardan qaraganda, Lukaku bu avvalgi Lukaku emas”, — dedi Marotta.
