“Barsa” Balde bilan shartnomani uzaytirmoqchi
Klub futbolchini keyingi mavsumdan asosiy tarkibda maydonga tushuradi.
“Diario Sport” xabariga ko‘ra, klub 20 yoshli himoyachiga kamida 2027-yilga qadar maoshini oshirish va 1 milliard yevro tovon puli bilan shartnoma taklif qilmoqchi. “Barselona” futbolchiga keyingi mavsumda asosiy tarkibda maydonga tushishini maʼlum qildi.
Qayd etilishicha, faqat “Barselona”ning moliyaviy muammolari tufayli maoshlarning cheklanishi shartnomani uzaytirishga to‘sqinlik qilishi mumkin. Klub vakillari futbolchining agenti Xorxe Mendes bilan muzokara olib borishmoqda. Bu masalani hal qilishning mumkin bo‘lgan variantlarini muhokama qilishmoqda. “Barsa” mavsum oxirida rasman kelishuvni eʼlon qilish maqsadida Baldening yangi shartnomasi shartlarini tez orada kelishib olishga umid qilmoqda.
Aleks Baldening “Barselona” bilan amaldagi shartnomasi 2024-yilning iyunigacha amal qiladi. Himoyachi joriy mavsumda La Liganing 23 o‘yinida 5 ta golli uzatmani amalga oshirdi.
