Prezident va bosh vazirning gapi bir-biriga mos kelmayapti
Isroilda sud islohoti masalasi siyosiy inqirozni keltirib chiqardi.
Isroil prezidenti Isxag Gersog hukumatni sud tizimini isloh qilishni zudlik bilan to‘xtatishga chaqirdi.
“Isroil xalqining birligi nomidan, masʼuliyat nomidan sizni qonunchilik jarayonini (islohotning qabul qilinishi) to‘xtatishga chaqiraman”, — deb yozdi davlat rahbari Twitter‘dagi sahifasida.
Prezident yangi norozilik namoyishchilari va politsiya o‘rtasidagi to‘qnashuvlar fonida mamlakatdagi o‘ta keskin ijtimoiy-siyosiy vaziyatni qayd etdi.
"Millatni chuqur tashvish qamrab oldi. Milliy xavfsizlik, iqtisodiyot, jamiyat — hamma narsa tahdid ostida", — deydi u.
Isroilda 26 mart oqshomida boshlangan spontan norozilik namoyishlariga bosh vazir Benyamin Netanyaxu tomonidan eʼlon qilingan Mudofaa vaziri Yoav Galantning isteʼfoga chiqishi sabab bo‘ldi. U bir kun avval shunday qarorga kelgan, Galant hukmron koalitsiya tomonidan ilgari surilayotgan va muxolifatning ommaviy noroziliklariga sabab bo‘lgan sud-huquq islohotini to‘xtatib turish tarafdori ekanini ochiq aytdi.
Hukumat muxoliflari fikricha, Oliy sud vakolatlarini cheklash va sudyalarni tanlashda ijro hokimiyatiga nazorat berishni nazarda tutuvchi islohot Isroil davlatchiligining demokratik asoslarini buzadi. Netanyaxuning taʼkidlashicha, bu islohot hokimiyatning barcha tarmoqlari vakolatlarini muvozanatlashtiradi va mamlakat siyosiy tizimini yana-da demokratik qiladi.
