The Guardian: Peskov Ukraina mojarosi uzoq davom etishidan ogohlantirdi
Putinning matbuot kotibi ziyofatlardan birida Rossiya siyosiy va madaniyat elitasiga urush uzoqqa cho‘zilishini aytgan bo‘lishi mumkin.
RF prezidenti matbuot kotibi Dmitriy Peskov rossiyalik madaniyat va siyosiy arboblarni urush uzoqqa cho‘zilishidan ogohlantirdi. Bu haqda The Guardian maqolasida so‘z boradi.
Maqolada Vladimir Putin RFni G‘arb bilan “cheksiz urushga qay tariqa tayyorlayotgani” tahlil qilingan. Nashr manbalariga ko‘ra, Kreml vakili 2022 yil dekabri oxirida oliy martabali amaldor uyida tashkil etilgan kechki ovqat vaqtida mojaro uzoq davom etishini aytgan.
“Siz meni nimadir deyishimni kutyapsiz. Hammasi yana-da og‘irlashadi. Bu juda-juda uzoq bo‘ladi”, – degan janob Peskov yig‘ilganlarga.
Qayd etilishicha, yig‘ilganlarning ayrimlari tinchlik va odatiy hayotga tezroq qaytishni o‘zida aks ettirgan qadah so‘zlarini aytgan. Bunga Putinning matbuot kotibi yuqoridagi gaplar bilan javob bergan.
Qayd etilishicha, uning so‘zlari mehmonlarning kayfiyatini buzgan. Ularning aksariyati xususiy suhbatlarda urushga qarshi chiqqan.
“Uning nutqini eshitish yoqimsiz bo‘ldi. U urush biz bilan uzoq vaqt birga qolishidan va bunga tayyor bo‘lishimiz kerakligidan ogohlantirgani aniq edi”, – deb fikrlari bilan bo‘lishgan The Guardian suhbatdoshlaridan biri.
Peskov hozircha bu xabarlarga izoh bermadi.
