Messi dunyoning eng ko‘p maosh oluvchi futbolchisiga aylanishi mumkin
“Al-Hilol” Messiga rasmiy taklif bilan chiqdi.
Leonel Messi ham dunyoning eng ko‘p maosh oluvchi futbolchisi bo‘lish imkoniyatiga ega. Jurnalist Fabritsio Romano xabariga ko‘ra, Saudiya Arabistonining “Al-Hilol” klubi vakili “PSJ” hujumchisiga rasmiy taklif bilan chiqqan. Bu yiliga 400 million yevroga teng aql bovar qilmaydigan maoshga ega shartnoma. Argentinalik hujumchi taklifni qabul qilsa, bu ko‘rsatkich bo‘yicha Krishtianu Ronalduni ortda qoldirib, dunyoning eng ko‘p maosh oluvchi futbolchisiga aylanadi. Shu bilan birga, Messining o‘zi uchun ustuvor vazifa “Barselona”ga qaytish bo‘lib qolayotgani taʼkidlangan.
Avvalroq, argentinalik futbolchining “PSJ” taklif qilgan yangi shartnomadan maoshi sezilarli darajada kamayganligi sababli rad etishi mumkinligi maʼlum bo‘lgandi.
