“Bavariya” 8 yildan beri ilk bor pley-offda mag‘lub bo‘ldi
Jamoa kecha ingliz jamoasiga yirik hisobda imkoniyatni boy berdi.
“Bavariya” 2015 yildan beri ilk marta Chempionlar ligasining pley-off bosqichida mag‘lub bo‘ldi.
UEFA rasmiy sayti xabariga ko‘ra, turnirning ushbu bosqichida “Bavariya” oxirgi marta 2015 yilning may oyida “Barselona” bilan yarim finalda o‘ynaganida xuddi shunday hisobda mag‘lub bo‘lgandi. Qolaversa, “Manchester Siti” “Bavariya”ga 2017 yil sentyabr oyidan beri Chempionlar Ligasidagi eng yirik mag‘lubiyatini keltirdi. Keyin xuddi shunday hisobda myunxenliklar guruh bosqichida “PSJ”ga imkoniyatni boy berishdi.
Eslatib o‘tamiz, kecha UEFA Chempionlar ligasining 2022/2023 yilgi mavsumi 1/4 finalining birinchi o‘yini bo‘lib o‘tdi va unda “Manchester Siti” va “Bavariya” o‘zaro to‘qnash keldi. O‘yin 3:0 hisobida mezbonlarning g‘alabasi bilan yakunlandi.
Chempionlar ligasi chorak finalining javob uchrashuvi bir haftadan so‘ng, 19 aprel kuni Myunxenda bo‘lib o‘tadi.
