“Liverpul” 130 million yevrolik taklif tayyorlamoqda
Klub “Napoli” futbolchisiga qiziqmoqda.
“Liverpul” “Napoli” vingeri Xvicha Kvaratsxeliyani o‘z safiga qo‘shib olmoqchi.
Xabarlarga ko‘ra, ingliz klubi 22 yoshli gruziyalik futbolchi uchun yozgi transfer oynasida 130 million yevro taklif qilishga tayyor. “Liverpul” yomon mavsumdan keyin katta qayta qurishni rejalashtirmoqda.
22 yoshli Kvaratsxeliya 2022 yilning yozida “Napoli”ga ko‘chib o‘tgandi. Ilgari u Rossiya Premyer-ligasida o‘ynab, Moskvaning “Lokomotiv” va Qozonning “Rubin” klublari sharafini himoya qilgan. Italiya chempionatining joriy mavsumida Xvicha 24 uchrashuvda 12 ta gol urdi va 12 ta golli uzatmani amalga oshirdi. “Napoli” chempionat yakunlanishiga 10 tur qolganida 71 ochko bilan A Ceriya turnir jadvalida peshqadamlik qilmoqda va eng yaqin taʼqibchisi “Latsio”dan 16 ochko farq bilan oldinda bormoqda.
Transfermarkt portali futbolchining narxini 85 million yevroga baholagan.
