Mane va Sane mojarosidan oldin senegallik futbolchining xolasi vafot etdi
Sadio jarimaga tortishilishi mumkin.
“Bavariya”ning senegallik hujumchisi Sadio Manening xolasi Chempionlar ligasi 1/4 finalida “Manchester Siti”ga (0:3) qarshi birinchi o‘yin oldidan vafot etdi. Bu haqda “Mirror” nashri xabar berdi. Avvalroq Mane “Manchester Siti”ga qarshi o‘yindan so‘ng jamoadoshi Leroy Sanega hujum qilgani haqida xabar berilgandi.
Buning uchun senegallik hujumchi Germaniya chempionati doirasidagi “Xoffenxaym” bilan o‘yinga diskvalifikatsiya qilindi. Shuningdek, futbolchi jarimaga tortiladi.
Avvalroq Sane Mane bilan mojaro chog‘ida senegallikni ahmoq qilgani xabar qilingandi.
Mane 2022 yildan beri “Bavariya” sharafini himoya qilib kelmoqda. Forvardning klub bilan shartnomasi 2025 yilgacha mo‘ljallangan. Senegallik futbolchi joriy mavsumda barcha turnirlarda 32 ta o‘yinda maydonga tushib, 11 ta gol urdi va 5 ta golli uzatmani amalga oshirdi.
Eslatib o‘tamiz, “Bavariya” va “Manchester Siti” o‘rtasidagi javob uchrashuvi 19 aprel kuni bo‘lib o‘tadi.
