“Himoyada biz juda munosib saviyani ko‘rsatdik”
Anchelotti “Chelsi” ustidan qozonilgan g‘alaba haqida fikr bildirdi.
Madridning “Real” klubi bosh murabbiyi Karlo Anchelotti “Chelsi”ga qarshi (2:0) YECHL 1/4 final javob uchrashuvida shogirdlarining g‘alabasi haqida fikr bildirdi.
“Bunday uchrashuvda chidashimiz kerakligini bilardik. Raqib hamma narsani sinab ko‘rdi, u bizga, ayniqsa, chap qanotda muammolar yaratdi, ammo shundan so‘ng biz tuzatishlar kiritdik. Himoyada biz juda munosib saviyani ko‘rsatdik. Kurtua muhim seyvni amalga oshirdi, ularsiz “Chelsi” oldinga chiqib olgan bo‘lardi. Ikkinchi bo‘limda biz o‘yinni yaxshiroq nazorat qildik, qarshi hujumlarda ko‘proq hududga ega bo‘ldik, shuning uchun ikkita gol urishga muvaffaq bo‘ldik. Lekin “Milan” uchun xursandman, ular anchadan beri yarim finalda o‘ynamadi. “Napoli”ga esa achinaman, bu klub men uchun ham qadrli”, — deya Anchelottining so‘zlaridan “Marca” nashri iqtibos keltirdi.
