“Yuventus”ni tark etishi mumkin bo‘lgan futbolchilar

 

Yozgi transfer oynasida “Yuventus” klubini tark etishi mumkin bo‘lgan futbolchilar nomi maʼlum bo‘ldi. Ular orasida kimdir janjal uchun haydalayotgan bo‘lsa, kimdir raqobat tufayli jamoani tark etishi mumkin.

 

Leandro Paredes (Argentina, yarim himoyachi, 28 yosh)

 

Rahbariyat Paredesning o‘yinidan norozi, shuning uchun italyan klubi uni “PSJ”dan sotib olmaydi. Leandro Fransiyaga qaytadi va u yerda uning taqdiri nihoyat hal qilinadi.

 

Anxel Di Mariya (Argentina, vinger, 35 yosh)

 

Ammo Di Mariyada hali ham “Yuventus”da qolish imkoniyati bor. Jurnalistlarning fikricha, futbolchi shartnomani bir yilga uzaytirishi mumkin, biroq bu hali amalga oshgani yo‘q.

 

Voysex Shesniy (Polsha, darvozabon, 33 yosh)

 

So‘nggi paytlarda Shesniyning sog‘lig‘i bilan bog‘liq muammolar tobora kuchayib bormoqda, shuning uchun italiyaliklar uni Marko Karnesekki yoki Gugliyelmo Vikario bilan almashtirmoqchi. Voytsexning o‘zi “Tottenhem” klubining qiziqishlari doirasida bo‘lib turibdi.

 

Dushan Vlahovich (Serbiya, hujumchi, 23 yosh)

 

Dushan Vlahovich Turinda qoladimi? Bu katta intriga. Jamoa futbolchiga umid bog‘layotgan bo‘lsada, Dushan ham “Arsenal”ning asosiy transfer maqsadiga aylandi. Ammo uning uchun kurashga “Real” ham qo‘shilishi kutilmoqda.

 

Ueston Makkenni (AQSH, yarim himoyachi, 24 yosh)

 

Makkenni yil boshida “Lids” jamoasiga ijaraga berildi, uning shartnomasi mavsum oxirigacha davom yetadi. Agar inglizlar uni bonuslar bilan birga 33 million yevroga sotib olishga qaror qilsalar, Ueston Italiyaga qaytmaydi.

 

Adriyen Rabio (Fransiya, yarim himoyachi, 28 yosh)

 

Rabio “Yuve”ni tark etib, “PSJ”ga qaytishi haqidagi mish-mishlar tobora kuchayib bormoqda. Biroq Adriyenga Angliyaning bir qator klublari – “Tottenhem”, “Liverpul” va “Manchester Yunayted” ham qiziqish bildirgan.

 

Aleks Sandro (Braziliya, himoyachi, 32 yosh)

 

Sandro ham keyingi mavsumdan “Yuventus”ning asosiy tarkibidan joy olmasligi mumkin. Klub yozda futbolchini sotishga tayyor. A Ceriyaning ushbu mavsumida futbolchi 22 ta o‘yin o‘tkazdi va bitta golli uzatmani amalga oshirdi.

 

Xuan Kuadrado (Kolumbiya, yarim himoyachi, 34 yosh)

 

Kuadrado rahbariyat bilan ham aloqani yo‘qotdi va yaqinda Italiya kubogi yarim finalida “Inter” bilan o‘yinda mushtlashuv sabab o‘chayotgan olovga qayta yog‘ quydi. Futbolchi “Al-Nasr”ga o‘tishi mumkin.