“Ularda dunyoning eng yaxshi murabbiyi bor”
Xavi joriy mavsumning eng yaxshi jamoasini aytdi.
“Barselona” bosh murabbiyi Xavining fikricha, “Manchester Siti” bu mavsumda trebl yutishi mumkin.
“Men uchun “Siti” hozir dunyoning eng yaxshi jamoasi. Ular juda yaxshi o‘ynashmoqda va ularda dunyoning eng yaxshi murabbiyi bor. Agar ular treblni qo‘lga kiritsalar, bu mutlaqo adolatli bo‘lardi”, – deya Xavining so‘zlaridan “Sport” nashri iqtibos keltirdi.
Eslatib o‘tamiz, “Manchester Siti” Chempionlar ligasi yarim finalida “Real”ga qarshi maydonga tushadi. “Santyago Bernabeu”dagi ilk o‘yin 9 may kuni bo‘lib o‘tadi. Pep Gvardiola shogirdlari Angliya kubogi finalida “Manchester Yunayted”ga qarshi bahs olib boradi. Shuningdek, “shaharliklar” Premyer-ligada “Arsenal”dan bir ochkolik farq bilan peshqadamlik qilmoqda. London jamoasi 247 kun davomida turnir jadvalida peshqadamlik qildi: “kanonirlar” 3-turdan boshlab peshqadamlik qilishdi.
