“Chelsi” yaqin kunlarda muhim qarorni qabul qiladi
Jamoaga yangi bosh murabbiy tayinlanishi kutilmoqda.
Londonning “Chelsi” jamoasi bosh murabbiylik uchun nomzodlik masalasini shu haftada hal qilishni rejalashtirmoqda. Bu haqda “The Atletic” nashri xabar berdi.
Maʼlumotlarga ko‘ra, yangi bosh murabbiy bo‘yicha yakuniy qaror yaqin kunlarda qabul qilinadi. “Chelsi” bosh murabbiyi lavozimini egallash uchun tanlangan mutaxassis yozgacha Frenk Lempard boshchiligidagi hozirgi murabbiylar shtabi bilan ishlaydi. “Tottenhem” va “PSJ” klublarining sobiq bosh murabbiyi Maurisio Pochettino jamoa bosh murabbiyligi uchun kurashda asosiy favorit bo‘lib qolmoqda.
Eslatib o‘tamiz, “Chelsi” joriy mavsum davomida ikki marta bosh murabbiyni isteʼfoga chiqardi. Tomas Tuxel kuzda, Grem Potter esa bahorda ishsiz qoldi. “Ko‘klar”ni hozir Lempard boshqarmoqda.
