Messi “PSJ” mashg‘ulotlariga qaytdi
Uning jamoada qolish-qolmasligi hali ham noaniqligicha qolmoqda.
“PSJ” hujumchisi Lionel Messi asosiy tarkib bilan mashg‘ulotlarga qaytdi. Bu haqda Parij klubi matbuot xizmati xabar berdi.
Eslatib o‘tamiz, Messi o‘tgan hafta sport rahbariyati va jamoa murabbiylar shtabi ruxsatisiz Saudiya Arabistoniga uchib ketgani uchun ikki haftaga “PSJ” bilan mashg‘ulotlar va o‘yinlardan chetlashtirilgan edi. Argentinalik o‘tgan dushanba kuni arab davlatlaridan biriga uchib ketgandi.
Bir necha kun oldin Messi o‘zining ijtimoiy tarmoqlarida o‘zining Saudiya Arabistonidagi turizm elchisi bo‘lgan shartnoma majburiyatlarini bajarayotganini aytib, o‘z qilmishi uchun uzr so‘ragan videoni joylashtirgandi.
