“Real”ning imkoniyatini yuqori baholay olmayman”
Runi “Manchester Siti”ning “Real”ga qarshi Chempionlar ligasidagi o‘yini haqida gapirdi.
“Manchester Yunayted”ning sobiq futbolchisi Ueyn Runi Chempionlar ligasi yarim finalida “Manchester Siti”ning “Real”ga qarshi o‘yinidan umidlari bilan o‘rtoqlashdi.
“Manchester Siti” Chempionlar ligasi yarim finalida “Real”ni nafaqat mag‘lub etadi, balki ularni yo‘q qiladi. Albatta, xato qilishim mumkin, ammo menimcha, “Siti” boshqa darajada. “Real Madrid” tajribasi va tarixi bo‘lgan jamoani hech qachon inkor eta olmaysiz, lekin men ularning imkoniyatini yuqori baholay olmayman. Mavsum boshidan Gvardiola “Manchester Siti” bilan yakunda Yevropa kubogini qo‘lga kiritishiga ishonganman”, — deya Runining so‘zlaridan “Marca” nashri iqtibos keltirdi.
Eslatib o‘tamiz, jamoalar o‘rtasidagi ilk o‘yin 9 may kuni bo‘lib o‘tadi. Javob o‘yini 17 mayga belgilangan.
