Tuxel Manening o‘rniga futbolchi topdi
U “Barselona” futbolchisi.
“Bavariya” bosh murabbiyi Tomas Tuxel klubdan “Barselona” hujumchisi Usmon Dembeleni sotib olishni so‘radi. Bu haqda “Mundo Deportivo” nashri xabar berdi.
Manbaning xabariga ko‘ra, Tuxel Dembeleni yozgi transfer oynasida jamoani tark etishi mumkin bo‘lgan hujumchi Sadio Manega o‘rinbosar sifatida ko‘rmoqda. Agar “Barselona” hujumchi bilan shartnomani uzaytira olmasa, “Bavariya” Dembeleni sotib olishga jiddiy kirishadi. Avvalroq, “Bavariya” Maneni Chempionlar ligasi 1/4 finalining “Manchester Siti” bilan birinchi o‘yinida (0:3) mag‘lub bo‘lgach, jamoadoshi Leroy Sane bilan mojaro qilgani uchun 350 ming yevro jarimaga tortgandi.
Eslatib o‘tamiz, Dembele 2017 yildan beri “Barselona” safida to‘p suradi. Uning klub bilan shartnomasi yozgi transfer oynasida tugaydi. Hujumchi joriy mavsumda 30 ta o‘yinda maydonga tushib, 8 ta gol va 7 ta golli uzatmaga mualliflik qilgan.
