2005 yilgi o‘yinning halokatli oqibatlari
Bugun Chempionlar ligasining Milan derbisi bo‘lib o‘tadi.
Chempionlar ligasining pley-off bosqichidagi derbi kam uchraydigan holat. Joriy qurʼa yarim finalida Milanning “Inter” va “Milan” klublari o‘rtasidagi uchrashuvni kutish yana-da qiziqroq. Chempionlar ligasidagi klublarning so‘nggi yuzma-yuz uchrashuvi janjal va “neradzurri”ga texnik mag‘lubiyat bilan yakunlangandi. 2004/2005 yilgi Chempionlar ligasining chorak final javob uchrashuvlari tarixini eslashga harakat qilamiz.
Olov ichida o‘tgan o‘yin
“Milan” va “Inter” Chempionlar ligasining guruh bosqichidan muvaffaqiyatli o‘tishadi. “Qizil-qoralar” “Barselona”, “Shaxtyor” va “Seltik”ni, qo‘shnilari – “Verder”, “Valensiya” va “Anderlext”ni ortda qoldiradi. 1/8 finalda “Milan” ikkita minimal g‘alabaga erishib, “Manchester Yunayted”dan kuchliroq bo‘lib chiqadi. “Inter” esa turnirning amaldagi g‘olibi – “Portu”ni (1:1, 3:1) hisobda yengib turnirdan chiqarib yuboradi. Qurʼa ikki Milan jamoasini ikkinchi marta bahs olib borishga majbur qiladi. 2002/2003 yilgi mavsumda ular pley-offda ham to‘qnash kelishgan: keyin yarim finalda safardagi gol tufayli (axir ikkala o‘yin ham San-Siroda bo‘lib o‘tgan) “Milan” finalga chiqdi. 2004/2005 yilgi mavsumning birinchi chorak finalida “Milan” “Inter”ni 2:0 hisobida mag‘lub etadi. Dida, Paolo Maldini, Kafu, Yap Stam, Alessandro Nesta, Andrea Pirlo, Kaka, Klarens Zeedorf, Jennaro Gattuzo, Andriy Shevchenko va Ernan Krespo o‘rin olgan Karlo Anchelotti jamoasi ikki to‘p farqi bilan oldinga o‘tib oladi.
“Inter” juda umidsizlikka tushib qoladi, chunki ular “Milan”ning muvaffaqiyatiga yo‘l qo‘ymaslikni juda xohlashdi. 2003 yilda eng ashaddiy dushmanlar Chempionlar ligasini qo‘lga kiritganidan tashqari, 1988/1989 yilgi mavsumdan beri “neradzurri”ning o‘zi ham Italiya chempionligini qo‘lga kirita olmagan. “Milan” esa bu vaqt ichida oltita A Ceriya chempionligini va uchta Chempionlar ligasi g‘olibligini qo‘lga kiritadi. “Inter” esa qo‘shnilarining soyasida yashaydi.
Ammo “Qora-ko‘klar” milanliklarning hujumini qaytara olmadi va 30-daqiqada gol o‘tkazib yubordi. Shevchenko jarima maydonchasi tashqarisidan kuchli zarba yo‘llab, Franchesko Toldo darvozasiga zarba beradi. “Inter”ga keyingi bosqichga chiqish uchun to‘rtta gol kerak bo‘ladi. Ammo uchrashuv 73-daqiqada yakuniga yetadi. “Milan” darvozaboni Dida tribunadan otilgan olovli nishonga ro‘baro bo‘ladi. Nataijada braziliyalik futbolchiga yelkasining birinchi darajali kuyishi tufayli tibbiy yordam ko‘rsatiladi. «Inter» futbolchilari o‘z muxlislaridan olovni o‘chirishni va ularni tashlamaslikni so‘rashdi, lekin ular davom etishdi. Bosh hakam Markus Merkning o‘yinni to‘xtatib qo‘yishdan boshqa chorasi qolmadi.
Har ikki jamoa ham 25 daqiqadan so‘ng maydonga qaytishdi, biroq ko‘p o‘tmay “San-Siro” maydoniga yana pirotexnika vositalari yog‘iladi. Politsiya tartibsizlikni to‘xtata olmagani uchun hakam o‘yinni qayta boshlashdan bosh tortdi.
“Hakam to‘g‘ri qaror qabul qildi. Uning o‘yinni qayta boshlashga uringanidan hayron bo‘ldim. Ammo buni ko‘plab muxlislar o‘yinni tomosha qilish uchun pul to‘lagani bilan oqlash mumkin”, - degandi o‘shanda “Milan” sardori Maldini.
“Milan”ning sobiq bosh murabbiyi
“Bu voqea nafaqat “Inter”ni, balki butun shaharni obro‘sizlantiradi. Muxlislarning munosabati mutlaqo kutilmagan holat edi. Hayronman, chunki men ishtirok etgan barcha Milan derbilarida bunaqasini ko‘rmaganman. Endi odamlar bu sharmandali epizoddan keyin tinchlanishlari uchun futbolga eʼtibor qaratishimiz kerak”.
Pirotexnika shovqinini to‘xtata olmagani uchun politsiyaga ham savollar berildi
“Ikki-uch yuzta bezorilar o‘t otayotgan edi. Ular kameralarga tushishdi. Bular “Inter” muxlislari sektorining odatdagi bezorilari edi”, — dedi Milan politsiyasi rahbari Paolo Skarpi.
Natijada “Inter”ga 0:3 hisobidagi texnik mag‘lubiyat yozildi. Ceriyaning umumiy hisobi 5:0 bilan Milan foydasiga hal bo‘ldi.
“Inter” shundan so‘ng Yevropaning oltita o‘yinida tomoshabinlarsiz o‘tkazishga majbur bo‘ladi hamda klub 150 ming yevro jarimaga tortiladi.
“Bu UEFA tarixidagi eng katta jarima. To‘rtta uy o‘yinini muxlislarsiz o‘tkazish “Inter”ning 8 million yevroga yaqin daromadini yo‘qotishini anglatadi”, — dedi UEFA jamoatchilik bilan aloqalar bo‘yicha direktori Uilyam Geylard.
2005 yildan buyon har ikki klub ham bir martadan Chempionlar ligasida g‘alaba qozonishgan: 2007 yilda “Milan”, 2010 yilda “Inter” buni uddalagan. O‘shanda so‘ng jamoalar inqirozni boshdan kechirishdi. Endi esa Chempionlar ligasi yarim finalida yuzma-yuz qarama-qarshilikka duch kelishmoqda. Yong‘in holati takrorlanishi dargumon, ammo “Milan” va “Inter” o‘rtasidagi o‘yinlar qizg‘in o‘tishi aniq.
