“Manchester Siti” – jahonning ayni damdagi eng yaxshi jamoasi"
“Chelsi” bosh murabbiyi Frenk Lempard “Manchester Siti”ga qarshi oʻyin oldidan Gvardiola ustozligidagi klubni dunyoning eng yaxshi jamoasi deb atadi.
“Manchester Siti”ni tarixdagi buyuk jamoalardan biri deya atab boʻladimi yoki yoʻq, buni bilmayman, ammo ular uzoq vaqtdan buyon fantastik oʻyin namoyish etib kelishmoqda.
“Siti”ning barqaror natijalarini eʼtirof etish joiz. Bu borada ular buyuk jamoalarga yaqinlashishmoqda. “Man Siti”ning hozirda qanday formada ekanligidan kelib chiqsak, ularga qarshi har qanday raqib qiyin ahvolga tushishi mumkin. Fikrimcha, “Manchester Siti” - jahonning ayni damdagi eng yaxshi jamoasi", - deydi Frenk Lempard.
Maʼlumot uchun, “Manchester Siti” - “Chelsi” oʻyini 21-may, yakshanba kuni boʻlib oʻtadi. Uchrashuv soat 20:00da boshlanadi. Oʻyindagi gʻalaba Manchester klubiga chempionlikni taqdim etadi.
