“PSJ” janubiy kareyalik futbolchi bilan muzokara o‘tkazdi
Futbolchining o‘zi APLga o‘tmoqchi.
Italiyaning “Napoli” klubining janubiy koreyalik himoyachisi Kim Min Chjening vakillari “PSJ” sport direktori Luis Kampos bilan futbolchining Parij klubiga o‘tishi bo‘yicha dastlabki muzokaralar olib borishdi. Bu haqda “RMC Sport” nashri xabar berdi. Manbaga ko‘ra, futbolchining o‘zi Angliya premyer-ligasiga o‘tishga intilayotgani qayd etilgan.
Eslatib o‘tamiz, avvalroq “Manchester Yunayted” ham futbolchining agenti bilan uchrashib, unga o‘z taklifini bildirgan edi.
Kim Min Chje 2022 yilning yozida Turkiyaning “Fenerbaxche” klubidan italyan klubiga o‘tgan edi, kelishuv 18,05 million yevroni tashkil etdi. 26 yoshli futbolchining “Napoli” bilan amaldagi shartnomasi 2025 yilning iyunigacha mo‘ljallangan.
