“PSJ” Bernardu Silvaga taklif bilan chiqdi
APL chempioni "Man Siti"ni tark etadimi?
“PSJ” klubi hujumchi Bernardu Silva uchun "Manchester Siti"ga taklif bilan chiqdi. Bu haqda insayder Matteo Moretto maʼlum qildi.
Manbaga ko‘ra, “shaharliklar” rahbariyati va portugaliyalik futbolchining o‘zi joriy mavsum yakunlanganidan keyin ehtimoliy transfer borasida qaror qabul qiladi. Endi Silva bor eʼtiborini Chempionlar ligasi finaliga tayyorgarlik ko‘rishga qaratgan va hozircha o‘tishga rozilik bergani yo‘q.
“PSJ” Silvani tarkibni kuchaytirish uchun asosiy maqsad sifatida ko‘rmoqda, biroq ayni paytda “Ayntraxt” hujumchisi Randal Kolo Muani variantini ham ko‘rib chiqmoqda.
Eslatib o‘tamiz, 28 yoshli Silva 53 o‘yinda 7 ta gol urgan va 7 ta golli uzatmaga mualliflik qilgan. Uning «Manchester Siti» bilan shartnomasi 2025 yilgacha mo‘ljallangan.
