“Siti” chempionlik uchun qancha mukofot puli oldi?
Bu ko‘rsatkich o‘tgan yilgidan ancha yuqori.
"Daily Mail" nashrining xabariga ko‘ra, "Manchester Siti" bu mavsumda APL chempionligi uchun 166 million funt sterling oladi. Manbaga ko‘ra, bu summaga mahalliy va xorijiy televizion shartnomalar ulushi, jamoaning turnir jadvalidagi yakuniy o‘rnini egallashi uchun summa, liga tijoriy foydasidan bir ulush va Buyuk Britaniyada jonli efirda muntazam chiqishlar uchun beriladigan bonus kiradi. 166 million funt - bu Premyer-liga tarixidagi g‘olib uchun eng yuqori mukofot puli. Xosep Gvardiola jamoasi o‘tgan mavsumda 153 million funt ishlab topgandi. Manba shuningdek, ligadagi 20 ta klub joriy mavsum yakunida jami 2,7 milliard funt sterling olishi maʼlum qilingandi.
Eslatib o‘tamiz, Premyer-ligada ikkinchi o‘rinni Londonning “Arsenal” jamoasi egalladi.
