"Autsayder sifatida o‘yin ko‘rsatgan maqʼulroq"
Balotelli Chempionlar ligasining final bahsi haqida gapirdi.
Milanning “Inter” klubi sobiq hujumchisi va "Manchester Siti" hujumchisi Mario Balotelli jamoalar o‘rtasida bo‘lib o‘tadigan Chempionlar ligasi finali haqidagi fikrlari bilan o‘rtoqlashar ekan, hal qiluvchi o‘yinga favorit bo‘lishdan ko‘ra autsayder pozitsiyasidan yondashgan maʼqul ekanini taʼkidladi.
“Inter”da do‘stim Jekodan tortib, Lukaku va Lautaro Martinesgacha o‘yinni o‘zgartira oladigan ko‘plab o‘yinchilar bor. Tajriba shuni ko‘rsatadiki, autsayder sifatida finalga chiqqan maʼqul. Garchi Gvardiola jamoasi jozibali futbol namoyish etsada, Indzagi boshqaruvidagi “Inter” ham samarali o‘yin ko‘rsatmoqda", - dedi Balotelli.
Eslatib o‘tamiz, Chempionlar ligasi finali 10 iyun kuni Turkiyaning Istanbul shahrida bo‘lib o‘tadi.
