Asensio "Aston Villa" bilan shartnoma shartlarini kelishib oldi
Uning “Real” bilan shartnomasi yakuniga yetdi.
Madridning “Real” klubi yarim himoyachisi Marko Asensio "Aston Villa"ga o‘tishga yaqin turibdi. Bu haqda jurnalist Nikolo Shira maʼlum qildi. Uning so‘zlariga ko‘ra, futbolchi ingliz klubi bilan 8 million yevro maoshli shartnoma bo‘yicha kelishib olgan. Ispaniyalik futbolchi birmingemliklar safiga tekinga o‘tadi, chunki uning Madrid klubi bilan shartnomasi mavsum oxirida yakuniga yetadi.
27 yoshli Asensio joriy mavsum “Real” safida 50 ta o‘yinda maydonga tushib, 12 ta gol urdi va 8 ta golli uzatmani amalga oshirdi. Umuman olganda, u "Real Madrid" bilan 16 ta sovrinni qo‘lga kiritgan, shu jumladan, 3 marta Chempionlar Ligasida g‘alaba qozongan. Hozircha Asensio faqat Ispaniya jamoalarida o‘ynagan.
